• 

  “Qui no té l’eina no té feina.”
  “Qui non a era arinia non a trabalh.”

  —Arrepervèri catalan

Es catalans avaloren es iniciatiues culturaus e era libertat creativa e, per aguesta arrason, empleguen era sua potenta cultura tradicionau entà fomentar era creativitat e era innovacion.

Es negòcis familhaus coma es carnissaries e es cerèrs passen es coneishences familhaus d’ua generacion ara auta deth temps que tanben explòren naui modèls de produccion. Es productors locaus s’amassen en cooperatives que comercializen vin, òli d’oliva e arròs entà partejar es còsti de tractament, empatquetatge, distribucion e marqueting. Fòrça enterpreses catalanes avaloren es productes tradicionaus, es ingredients de nauta qualitat e es productors locaus.

Quitament i a enterpreses especializades que fabriquen installacions artistiques entà hestivaus consagradi ath steam punk, ua des tantes innovacions d’avantgarda enes arts scenics. An apareishut ua seguida de hestivaus naui, coma eth hestivau Sónar, qu’ei vengut un eveniment internacionau. I a d’autes enterpreses que creen e distribuïssen jòcs infantils qu’ensenhen valors fòrça pretzadi coma era collaboracion. Es catalans participen actiuaments des eveniments culturaus que fomenten—e transformen—es formes d’art tradicionau.

Era innovacion a arribat quitament as iconics castells. Enes ans nauanta, es còlhes castelleres viueren diuèrses transformacions importantes, coma era incorporacion des hemnes. En seguida arremerquèren que podien bastir castells fòrça mès nauti qu’abans pr’amor qu’es hemnes normauments pesen mens qu’es òmes. Ara ora d’ara, d’un totau de cent còlhes, n’i a dètz qu’an hemnes coma cap de còlha, e son arreconeishudes entà exercir un estil de lideratge diferent laguens des sues còlhes.